Кермә кеше кеше теленә

Кермә кеше теленә,
Кара итә бар акны,
Сөйләми чынны,хакны,
Күрә тик кире якны.
Кермә кеше теленә,
Шөкер, дус бар, дошман бар.
Синең уңышлардан
Күпләргә дөнья тар.
Кермә кеше теленә,
Каһәр укып йөренә
Әз генә дәрәжәңә,
Байлыгыңа күбенә.
Бәләкәй генә хатаң
Биек таудай күренә.
Менә кеше теленә.
Син авырсаң, ул терелә,
Менә жир шарының
Жиденче кат күгенә.
Кеше теленә кергәч,
Маңгаеңда зур мөгез,
Артыңда озын койрык,
Әйтерсең сөзгәк үгез.
Кыяфәтең өркетә,
Бар да сине чит итә.
Күзләре бораулап,
Йөзеңне тишеп үтә.
Менмә кеше теленә,
Йөк тагыла иңеңә.
Кире төшүе авыр
Элеке тыныч илеңә.
Сания Шәрипова, Бүздәк районы, Уран авылы.
Март 2013