1866 წელს პარიზში გავიცანი ინგლისელი ცოლ-ქმარი, მისტერ და მისის უორკვორტები.

მათ გაცნობისთანავე გამომიცხადეს, რომ რუსების დაუძინებელი მტრები ვართ და ასეთები ვიქნებით მთელი ჩვენი სიცოცხლეო.
უორკვორტების აზრით, რაც კი რამე სიბოროტე ხდებოდა დედამიწის ზურგზე, მიზეზი ერთადერთი რუსეთი იყო.
ოღონდ ყველგან მოიპოვოს მფლობელობა რუსეთმა და ამისათვის არაფერს არ დაზოგავს არც ფულითა და არც ზნეობითო; და სხვა სახელმწიფოთა მოწინავე პირებს იმდენად აკლიათ შორსმჭვრეტელობა ან ისე ეხარბებათ რუსული ოქრო, რომ ეყიდვინებიან რუსეთსო.
რუსეთიო, - ამბობდნენ ეს ინგლისელები, - თავისდღეში არ იტყვის უარს არც უსამართლობზე, არც შეუბრალებლობაზე, ოღონდ კი თავისი გულისწადილი განახორციელოსო.
დიმიტრი ყიფიანის მოგონებებიდან.