📢 Гісторыя заўжды з намі

77 гадоў прайшло з таго часу, але не заціхае пошукавая дзейнасць, пакуль апошняя ахвяра жудаснага бясчынства не будзе знойдзена і захавана.
Напярэдадні 9 снежня ў дзіцячым садзе ДУА “Беліцкая сярэдняя школа Лідскага раёна” прайшла экскурсія і адбыўся інтэрактыўны занятак “Памяць і боль”. Спачатку выхавацель Аннагіева Ірына Казіміраўна расказала дзецям аб вайне, аб тых цяжкіх умовах, у якіх раслі такія ж малыя дзеткі, як і яны. Былі паказаны фрагменты ваеннай хронікі. Выхаванцы мелі магчымасць пазнаеміцца з кнігай аб жудасных фактах генацыду. Занятак прадоўжылі экскурсіяй у школьны музей “Спадчына”. Дзеці вельмі блізка да сэрца прынялі аповед пра вайну, цяжкі лёс, які напаткаў людзей у той жудасны час. Дзеці і вайна – зусім не тыя словы, якія павінны быць побач, таму выходзілі выхаванцы садка з пакояў музея ціха- ціха, моўчкі…
Гэта памяць патрэбна не загінуўшым, а жывым. Калі нашы самыя маленькія жыхары роднай краіны зразумеюць значэнне слова “вайна”, што нясе яна не радасць, а боль і смутак, то дасягнуўшы дарослага ўзросту будуць абараняць мірнае неба над галавою і імкнуцца да стварэння, а не разбурэння. І ў заключэнні хачу сказаць словамі адной вельмі добрай дзіцячай песні: “Хай заўжды будзе мір!”
Іна Вайцехоўская, настаўнік – дэфектолаг Беліцкай сярэдняй школы Лідскага раёна