Кайтам дисәм, Әнкәм, кайтыр көнне

Каршы менәр идең юлларыма
Түзәлмәдем балам, сөенечтән
И ашкынды йөрәк яннарыңа.
Очрашуның минутларын көтеп
Төнен йокламадым дияр идең
И Әнкәем, синле мизгелләр
Бик еракта калды шул инде.
Туган көнең якынлашкан саен
Күңел туган йортка ашкына
Элеккечә, төннәр йокламыйча
Син көтәсең кебек, Әнкәй, анда.
Күчтәнәчләремне төйнәп куйдым
Кайтып килим димен туган якка
Каршы менәрсеңме, Әнкәй, кайтсам
Алырсыңмы мине кочаклап...
Ник дәшмисең инде, ник дәшмисең
Әллә мине сагынмадыңмы...
Төшләремдә генә булса да
Юат әле төпчек кызыңны.
Югалттым, Әнкәм, сине мәңгелеккә
Тик йөрәгем генә килешми
Очратырмын төсле юлларымда
Элеккечә кайтып килешли.
Рүзилә Гатауллина
#шигърият
#Рүзилә_Гатауллина