💢Вӑрнар тӑрӑхӗнче пурӑнакан Варвара Гаврилова 104 ҫул тултарнӑ

Варвара Порфирьевна Етӗрне районӗнчи Пушкӑрт ялӗнче ҫуралса ӳснӗ. 1940 ҫулта вӗренсе тухнӑ хыҫҫӑн ӑна Вӑрнар район больницине ӗҫлеме янӑ, унта Варвара Порфирьевна малтанах фельдшерта тӑрӑшнӑ, 1943 ҫултан вара 30 ҫул ытла – акушерта. Вӑл – ӗҫ ветеранӗ.
Уравӑш ялӗнчи Петр Ивановпа ҫемье ҫавӑрса виҫӗ ача ҫуратса ӳстернӗ. Паян вара мӑнуксен мӑнукӗсемпе те савӑнса пурӑнать.