ადამიანები ამ ქვეყნის სიამოვნებამ და ქონებამ დააბრმავა, ფულის ფუფუნებამ ალლაჰი დაავიწყა.

ალლაჰის რწმენა-ისლამი დაივიწყა ხალხმა, დაივიწყა, რომ წინ სიკვდილი ელოდებათ, დაივიწყეს, რომ ბოლოს მაინც ალლაჰის წინ არის წარსადგენი ყოველი სული, ასე საშინლად გადაიყოლა ისინი თავიანთმა ქონებამ და ამ ქვეყნის სიტკბოებამ.
„და ვფიცავ! მოხვედით ჩვენთან ეულნი , როგორც ჩვენ გაგაჩინეთ თავდაპირველად "- ამას ეტყვიან მათ მკვდრეთით აღდგომის დროს, როგორც ამაზეა საუბარი ალლაჰის სიტყვებში:
18:48 და წარსდგებიან ისინი შენი ღმერთის წინაშე მწკრივებად: „ვფიცავ, რომ თქვენ მოქცეულნი იქნებით ჩვენთან ისეთნი, როგორც გაგაჩინეთ თავდაპირველად.
ო სულო ჩემო, სხეულო ჩემო! არ შეგაცდინოს ამ ქვეყნის სიტკბოებამ. ამ ქვეყანას აყოლილი, თუ ალლაჰს დაივიწყებ საშინელ სასჯელს იგემებ იმ დღეს, ეს ის დღეა როცა დედა თავის შვილს გაექცევა, შვილი კი დედას.
უზენაესი ბრძანებს:
80:34 იმ დღეს გაიქცევა ადამიანი ღვიძლი ძმისგან,
35. დედისგან, მამისგან,
36. მეუღლისგან და შვილებისგან!
37. იმ დღეს ყოველ მათგანს თავისი საზრუნავი ექნება!