Ким қуйдаги 8 та ишни қилишга қодир бўлмаса унинг ўрнига бошқа 8 та ишни қилсин.

1. Ким кечаси қиёмул-лайилда (тунги ибодат) туришга қодир бўлмаса лекин қиёмул лайлда турганни савобини топмоқчи бўлса - кундуз куни гунохдан ўзини тийсин.
2. Ким нафл рўза тутишликка қодир бўлмаса-ю лекин унинг савобини топмоқчи бўлса - доимо тилини тийиб юрсин.
3. Ким олимлар даражасини топмоқчи бўлса-ю лекин бунга имконияти бўлмаса - фикр юритсин зеро мусилмон кишининг жим туришлиги фикр, гапиришлиги зикр бўлиши лозим.
4. Ким Оллоҳ йўлида юрган одамни ажрига етмоқчи бўлса-ю лекин бунга қодир бўлмаётган бўлса - уйида ўтирганида (ёлғиз қолганида) шайтони билан жихот қилсин.
5. Ким Оллоҳни йўлида садақа қилаётган инсонларни ажрини топмоқчи бўлса-ю лекин бунга қодир бўлмаса унинг ўрнига эшитган илмини бошқаларга ўргатсин.
6. Ким хаж қилишликни ажрини топмоқчи бўлса-ю лекин бунга имкони бўлмаса унинг ўрнига жумани ўзига лозим тутсин.
7. Ким хақиқий обидлар даражасига етишмоқчи бўлса-ю лекин бунга имкони бўлмаса унинг ўрнига кишилар ўртасида адолат қилсин.
8. Агар шу 7 та айтилган нарсани хаммасини битта сўз билан ўзида жамлаб олишни хохлайдиган одам ўзига раво кўрган нарсасини биродарига хам раво кўрсин шунда шу 7 айтилган амални савобига эришади.