Бекор бўлди...

Энди кўниккан,
Эндигина кўнгандим базўр.
Яна бир бор ўлмоқ бормикан,
Зулми золим, кел, ҳолимни кўр.
Не истадинг,
Кўзларинг олов,
Ўчган ўтлар тирилди қайта.
Битта жонни, бииииргина жонни,
Олиш мумкин айт, неча марта?!
Бекор бўлди...
Қалтис қадамлар,
Қўймоқларинг пайҳоналарга.
Ишон, ватан қуриб бўлмайди,
Куйиб кетган вайроналарга!
Шунча азоб чекканим камми,
Тикламоқчи бўлдинг барини.
Ҳиёнатга чорлаяпсанми,
Ёлғизликнинг содиқ ёрини!
Йўқ,
Яхшиси йўлдан қоч энди,
Учар дема ширин порага.
У қарашлар туздек сочилди,
Ҳали қонаб турган ярага.
Бекор бўлди...
Ишон, ватан қуриб бўлмайди,
Ёниб кетган вайроналарга!
Малика Тавфиқ.