ИШҚ ВА ЖАЗО.

Йўқ мен адашмадим, хато қилмадим,
Сен билан учрашмоқ тақдирда бўлган.
Билганим-Сен менга энг олий жазо,
Сенинг эса ишқда омадинг келган.
Чап бера олсайдим, қарамасайдим,
Кўзларинг ўтида куйиб юрмасдим.
Ҳаётда менга беш-бегона бўлган,
Сендай дилозорни суйиб юрмасдим.
Эҳтимол муҳаббат қарғаган мени,
Қувиб солганларим ёдида қолган.
Сендай тошбағирга дуч қилиб балки,
Шу йўл билан мендан ўчини олган.
Осмондан қуладим, лат еди кўнглим,
Жуда осон экан дарднинг келиши.
Ишқ деган жазога тортилдим, демак,
Ҳаммаси, ҳаммаси Худонинг иши.
ДИЛДОРБЕГИМ МУСТАНОВА.