Қисмат совуқлари музлар иликни,

Бу тушни аввал ҳам бир бор кўргандим.
Сокинлик, Сиполик,
Сабрлиликни,
Бетаскин саволлар,
Сиздан ўргандим.
Сўлар чоғида ҳам бўй таратмоқни,
Умиддан ғишт қуйиб, уй яратмоқни,
Хижронга кўзларни тик қаратмоқни,
Соғинчли ҳаёллар,
Сиздан ўргандим!
Қадрни аввало ўздан излашни,
Ҳатто ўз кўнглимга ёлғон сўзлашни,
Э, воҳ, меҳрдан ҳам фойда кўзлашни,
Беъюрак ёмонлар,
Сиздан ўргандим!
Ишқимни сир тутиб, қадр топмоқни,
Севмасга кўнгилни қулфлаб, ёпмоқни,
Сўнгра ҳаёлларда тонгдай отмоқни,
Саноқсиз армонлар, сиздан ўргандим!
Малика Салимова.