Ozodbek Nazarbekov kutilmagan klip suratga olmoqda...

O‘zbekiston xalq artisti Ozodbek Nazarbekov baxor kelar kelmas viloyatga naq 300 askardan qo‘shin tortib chiqib ketmoqda. "Mendirman" qo‘shig‘iga u judayam katta loyixa tayyorlagan va qo‘shiq nomi "Mendirman" bo‘lsa klip nomi Jaloliddin Manguberdi !Albom va qo‘shiqlar bilan xalqning ma'naviy saviyasini ko‘tarib san'atga munosib xissa qo‘shishga bel bog‘lagan Ozodbekning Boburdan to Lutfiygacha bo‘lgan yuki og‘iru ma'naviyati yuksak bo‘layotgan ijod maxsulotlaridan xabardorsiz. Endilikda u bu borada audio vizualizatsiyadan tasviriy ta'sirga o‘tmoqda. Ozodbek boshlagan ish nomi oddiy klip tushunchasida bo‘lsada unga tayyorlanayotgan ishlar katta bir tarixiy filmiga bo‘layotgandek. Tasavvur qiling naq 300 askar! Qiziq, Ozodbekni o‘zi klipda Jaloliddin timsolida gavdalanarmikan yoki yo‘qmi xozircha sir. Ozodbek Nazarbekov:-Xozirda barcha kuchni shunga sarflayapmiz, tipajlar, kostyumlar, jixozlar xullas tarixiy klip olishga tayyorgarlik avjida. Xabarlarga ko‘ra ushbu klip Jizzaxda suratga olinishi kutilmoqda. Kuzatamiz va Ozodbekdan kamida "300 spartansev" filmiga o‘zbekona ijodiy zarbasini kutamiz!