“Ортиқча” муаммоларни машқ билан енгамиз!

Бир ҳафтада3 кг. озамиз!
Баъзан ортиқча вазндан халос бўлгач ҳам кўзгуга тикилиб, қоматимиздан кўнглимиз тўлмайди. Мутахассисларнинг таъкидлашича, турли парҳезларга муккасидан кетган аёлларда бу ҳол тез-тез такрорланар экан. Негаки, ортиқча ёғ организмдан кетгани билан унинг ўрни ҳали сақланиб туради. Шу боис тўғри овқатланиш қоидаларига амал қилган ҳолда чиройли озишни истаган хонимлар ҳар куни махсус машқларни ҳам бажариб боришлари керак.
Олдга томон “ҳужум”
Дастлабки ҳолат:
Тик турамиз, қўллар белда.
Машқни бажарамиз:
Ўнг оёқни бир қадам олдинга ташлаймиз, чап оёқ ўз жойида қолади. Ўнг оёққа таяниб, уч марта ярим ўтириб-туриш машқини бажарамиз. Сўнг оёқлар ўрнини алмаштирамиз.
Самараси:
Сон ва болдир мушакларини мустаҳкамлайди. Шу аъзолардаги ёғлар парчаланишига ёрдам беради.
Машқни: ҳар бир оёқда ўн мартадан бажариш лозим. Ён тарафга эгилиш
Дастлабки ҳолат:
Қаддимизни тик тутиб турамиз, қўллар белда.
Машқни бажарамиз:
Чап қўлни тепага кўтариб, ўнг ёнимизга томон имкон қадар кўпроқ эгиламиз. Икки марта қўшимча эгилгач эса дастлабки ҳолатга қайтамиз. Айни машқни чап тарафга томон ҳам бажарамиз.
Самараси:
Белдаги ортиқча сантиметрлардан халос бўлишга ёрдам беради.
Ҳар икки томонга эгилиб, машқни ўн мартадан бажаринг.
Тавсия: бош ва қўллар оёқ билан елка кенглигида бўлиши лозим.
Юқорига сакраш
Тавсия: Ҳам ортиқча “юк”дан халос бўлиб, ҳам хушкайфиятда бўлай, десангиз мусиқа жўрлигида шуғулланинг.
Дастлабки ҳолат:
Тик туриб, қўлларни пастга тушуринг.
Машқни бажарамиз:
Чап қўлингиз билан чап оёқни тутиб, юқорига тортинг. Бунда ўнг қўлни юқорига кўтариб, ўнг оёқ билан юқорига сакранг ёки оёқ учида туришга ҳаракат қилинг. Сўнг оёқ ва қўллар ўрнини алмаштиринг.
Самараси:
Оёқ-қўл ва болдир мушакларини мустаҳкамлайди.
Машқни ўн марта такрорланг.
Фақат олдинга!
Дастлабки ҳолат: Оёқлар елка кенглигида, тик туриб олинг.
Машқни бажариш:
Қўлларни тепага кўтариб, олдга томон эгилинг, сўнг қўл билан оёқ учига тегишга ҳаракат қилинг. Уч марта уринишдан сўнг дастлабки ҳолатга қайтасиз.
Самараси:
Сон ва қорин мушаклари мустаҳкамланади. Қориндаги ёғлардан самарали халос бўласиз.
Машқни ўн марта такрорлаш лозим.
Ёнбош “ҳамла”
Дастлабки ҳолат:
Оёқларни елка кенглигида очиб, тик турганча қўлларни белга қўямиз.
Машқни бажариш:
Ўнг оёқни ёнга томон чўзиб, чап қўл билан чап оёққа таянамиз ва уч марта ўтириб-турамиз. Сўнг оёқлар ўрнини алмаштирамиз.
Самараси:
Бу машқ сондаги ёғларни кетказишга ёрдам беради.
Ҳар бир томонга ўн мартадан такрорлаш лозим.
Тавсия:
Бу машқни кунига икки марта, эрталаб ва кечқурун бажаришни одат қилсангиз, тез фурсатда чиройли қомат соҳибасига айланасиз!
#ozısh