Таҳримҳои нави Амрико алайҳи Эрон

Вазорати хазинадории Иёлоти Муттаҳидаи Амрико аз ҷорӣ кардани таҳримҳои нави зидди киштиҳои марбут ба Эрон хабар дод.
Ба гузориши ТоҷикПресс, Вазорати хазинадории Иёлоти Муттаҳидаи Амрико эълон кард, ки таҳримҳои наверо алайҳи киштиҳои марбут ба Эрон ҷорӣ намудааст.
Дар баёнияи Вазорати хазинадории ИМА гуфта мешавад, ки бо иддаои афзоиши фишор 29 шиновар (киштӣ)-и интиқолдиҳандаи маҳсулоти нафтии Эрон ҳадафи таҳримҳо қарор мегиранд.
Ин ниҳод иддао кард: мо ҳамчунон монеъи дастрасии Эрон ба даромадҳои нафтӣ хоҳем шуд, ки ба гуфтаи онҳо барои таъмини молии барномаҳои низомии худ аз он истифода мекунад.
Вазорати корҳои хориҷии Амрико низ бо такрори иддаоҳои беасос эълон кард: таҳримҳои нав алайҳи Эрон, тавоноии ин кишварро дар содироти нафт ва маҳсулоти он тавассути механизмҳои ғайришофоф маҳдуд мекунад. Мо дар истифода аз тамоми абзорҳои мавҷуд барои муқобила бо касоне, ки тиҷорати ғайриқонунии нафти Эронро осон мегардонанд, тардид нахоҳем кард. https://tajikpress.com/2025/12/19/%d1%82%d0%b0%d2%b3%d1%80%d0%b8%d0%bc%d2%b3%d0%be%d0%b8-%d0%bd%d0%b0%d0%b2%d0%b8-%d0%b0%d0%bc%d1%80%d0%b8%d0%ba%d0%be-%d0%b0%d0%bb%d0%b0%d0%b9%d2%b3%d0%b8-%d1%8d%d1%80%d0%be%d0%bd-2/