Кĕрхи илем

Килсе çитрĕ кĕркунне
Ялтăркка тĕсĕсемпе.
Савса пурин те чунне
Ытарма çук илемпе.
Сарă тумлă кĕркунне
Чăнахах савăнтарать.
Йывăçăн капăр тумне
Пĕтĕмпех улăштарать.
Кĕрхи сивĕ пулăмпа
Çулçине сар сăн парать.
Савса пысăк туйăмпа
Пур çĕрте хуçаланать.
Шурă хурăн ав ларать,
Кĕпи унăн пурçăнран.
Йăрăс пÿллĕ курăнать
Çурта пекех ларнăран.
Палана ятарласа
Тĕрлĕрен тĕс хатĕрлет.
Çырлине капăрлатса
Тĕлĕнтермĕш сăн кÿрет.
Шерепеллĕ çупкăмне
Ялтăр сарă тĕс сапать.
Çав тер чаплă илемне
Ылтăн çулçă шав хуплать.
Пилеше те хĕретет
Чипер хĕр пек курăнма.
Çулçине те пĕветет
Пире пăхса савăнма.
Кĕрхи кунăн таварне
Пăхăрах алла тытса.
Кĕрхи кунăн илемне
Юлăрах куçпа курса.
Кекен ялĕ, Никифорова Мелания