Упрасчĕ тăванлăха.

Курас килет тăвана,
Питĕ тунсăхлатпăр.
Лăплантармашкăн чуна,
Шав шăнкăравлатпăр.
Пит аван тăван пурри,
Вăл — пуянлăх, ырлăх.
Пулăшса пытăр Турри,
Патăр пире сывлăх.
Пĕр - пĕринпе тĕл пулма,
Пултăр ялан кăмăл.
Пурнăç çулĕпе утма,
Тăвансемпе çăмăл.
Çакна та хушас килет,
Тăван çумра пултăр.
Нумайрах курас килет,
Чун - чĕре савăнтăр.
Шăнкăрав вăл — шăнкăрав...
Курса калаçни паха.
Чĕререн калатпăр "Тав,
Упрасчĕ тăванлăха."
Сӑвӑ авторӗ: Клементьева Л.Ф.