რა ელის საქართველოს -

რუსეთი თურქეთს 1921 წლის ხელშეკრულებას გაუქმების შემთხვევაში !
პუტინმა ეგ საკითხი უკვე მთავრობას შესასწავლად გადასცა
BBC-ის რუსეთის ბიურო ავრცელებს ინფრომაციას, რომ რუსეთის სათათბიროს დეპუტატებმა, რუსეთს და თურქეთს შორის 1921 წლის 16 მარტს გაფორმებული «მეგობრობისა და ძმობის შესახებ შეთანხმების” გაუქმება მოითხოვეს. რუსეთის „კომუნისტური პარტიის” წევრებმა ვალერი რაშკინმა და სერგეი ობუხოვმა ხელშეკრულების გაუქმების მოთხოვნით წერილი პრეზიდენტ ვლადიმერ პუტინს უკვე გაუგზავნეს.
„ტრადიციისამებრ, თურქეთის ხელმძღვანელობა ორმაგ სტანდარტებზე დაფუძნებულ აგრესიულ, ეგოისტურ პოლიტიკას ავლენს. ამის გათვალისწინებით, მიგვაჩნია, რომ ზედმეტი არ იქნებოდა, თურქეთის ხელისუფლებისათვის შეგვეხსენებინა, რომ თურქეთსა და საბჭოთა რუსეთს შორის 1921 წლის 16 მარტს გაფორმებული მოსკოვის შეთანხმება მეგობრობისა და ძმობის შესახებ, მარადიული არ არის”, – ნათქვამია დეპუტატების წერილში.
თურქოლოგი და სახალხო დიპლომატიის ცენტრის დირექტორი ვლადიმერ ავატკოვი მოსკოვის BBC -ს ბიუროსთან საუბარში ამბობს, რომ საკითხი შეიძლება საკმაოდ სერიოზული გახდეს. მისი განმარტებით, 95 წლიანი ხელშეკრულების დენონსირებამ შესაძლებელია რუსეთსა და თურქეთს შორის კრიზისი კიდევ უფრო გააღრმავოს და წლების წინ შეთანხმებული გეოპოლიტიკური მდგომარეობის გადახედვა გახდეს აუცილებელი.
რა შეთანხმებაზეა საუბარი? 1921 წლის 16 მარტს, რუსეთის საბჭოთა ფედერალური სოციალისტური რესპუბლიკისა და თურქეთის სახალხო კრების ხელისუფლებას შორის ხელმოწერილი დოკუმენტი თურქეთის ჩრდილო-დასავლეთ საზღვარს განსაზღვრავს. „მეგობრობისა და ძმობის შეთანხმების” გარდა, ხელშეკრულება თურქეთისთვის ბათუმის ოლქის გადაცემასაც ითვალისწინებდა, თვითონ ბათუმზე კი, თურქეთი პრეტენზიას აღარ აცხადებდა.
რა საფრთხე შეიძლება დაემუქროს საქართველოს, კონკრეტულად კი ბათუმს, გასული საუკუნის დასაწყისში მეზობელ ქვეყნებს შორის დადებული ხელშეკრულების გაუქმების შემთხვევაში? ისტორიკოსი გიორგი ოთხმეზური „პოლიტკომერსანტთან” საუბარში ამბობს, რომ საერთაშორისო სამართლისა და იურიდიული ნორმების თანახმად ბათუმს არანაირი საფრთხე არ ემუქრება.
„1921 წლის შეთანხმებით ბათუმი თურქეთს რომ გადაეცა, შემდეგ ეს ხელშეკრულება 1922 წელს ანულირებული იქნა ყარსის ხელშეკრულებით. ასე რომ, ბათუმის ოლქს თურქეთი ჯარით თუ წაიღებს თორემ, ისე არავითარი იურიდიული და სამართლებრივი უფლება არ აქვს… საერთაშორისო სამართლის ნორმების თვლსაზრისით არავითარი საფრთხე არ გვემუქრება.
p.s.
საფრთხე შეიძლება იყოს სხვა რამეში, რუსეთიც და თურქეთიც ჩვენი მეზობლები არიან. ორივე დიდი ქვეყანაა და მათ დაპირისპირებაში საქართველო შეიძლება გახდეს სატრანზიტო დერეფანი. ქვეყანაში ნორმალური მდგომარეობა და სიტუაცია რომ გვქონდეს, რუსეთიც და თურქეთიც თბილისში უნდა ჩამოდიოდნენ მოლაპარაკებებისთვის. ადრე, ჩვენი ქვეყანა, დაპირისპირებულ მეზობლებს შორის შუამავლის როლს ასრულებდა. საფრთხე ძალიან დიდია, საინტერსოა მათ შორის კონფლიქტი როგორ აისახება ჩვენზე და რა მოქმედებები შეიძლება მოხდს ჩვენს ტერიორიაზე .
ხანმოკლე მოგზაურობა საქართველოს ისტორიაში